democracy, Democratic transitions, News

MYANMAR EGRESS မှ အကြီးတန်းသင်တန်းဆရာတစ်ဦးဖြစ်သူ ကိုဇေယျာလင်းနှင့်တွေ့ဆုံခြင်း

“အချို့ဒေသတွေမှာ သင်တန်းတက်ရောက်သူတွေက အခြားနိုင်ငံတကာအဖွဲ့အစည်းတွေကပြုလုပ်တဲ့သင်တန်းတွေကိုတက်တုန်းကရခဲ့တဲ့ အနုတ်သဘောဆောင်တဲ့အတွေ့အကြုံတွေကြောင့် သင်တန်းတက်ရမှာကို တွန့်ဆုတ်နေခဲ့ကြတယ်”

ကိုဇေယျာလင်းသည် Myanmar Egress မှအကြီးတန်းသင်တန်းဆရာတစ်ဦးဖြစ်သည်။ ဥရောပသမဂ္ဂ၏ထောက်ပံ့မှုဖြင့် လုပ်ဆောင်လျက်ရှိသောရှေ့သို့မြန်မာအစီအစဉ်၏တစ်စိတ်တစ်ပိုင်းအဖြစ် ပြည်သူ့နီတိပညာပေးနှင့်မဲဆန္ဒရှင်ပညာပေးသင်တန်းအား ကရင်ပြည်နယ်၊ မွန်ပြည်နယ်နှင့် ဧရာဝတီတိုင်းဒေသကြီးတို့ရှိ ဝေးလံခေါင်သီသောဒေသများတွင် ဦးဆောင်ပြုလုပ်ခဲ့သည်။ သင်တန်းများတွင်ပါဝင်ခြင်းဖြင့် အဆိုပါဝေးလံခေါင်သီသောဒေသရှိလူထုသည် နိုင်ငံရေးဆိုင်ရာ ဗဟုသုတနှင့် အမြင်သစ်များကိုရရှိခဲ့ကြသည်။ အောက်ပါအင်တာဗျူးမေးမြန်းမှုတွင် ကိုဇေယျာလင်းက သင်တန်းပြုလုပ်စဉ်က အတွေ့အကြုံများကို မျှဝေထားပါသည်။

၁။ သင်တန်းဆရာတစ်ယောက်ဖြစ်ရခြင်းနဲ့ပက်သက်ပြီး ဘယ်အရာကိုအနှစ်သက်ဆုံးပါလဲ။

ကျွန်တော့်အလုပ်နဲ့ပက်သက်ပြီးသဘောအကျဆုံးကတော့ သင်တန်းတွေမှာပါတဲ့ အပြန်အလှန်အမေးဖြေကဏ္ဍအတွင်း သင်တန်းတက်ရောက်သူတွေ သင်တန်းကနေဘာတွေရရှိသွားလဲဆိုတာကို အကဲဖြတ်ရတဲ့အချိန်ပါပဲ။

၂။ “ဒီမိုကရေစီအတွင်း လူထုပါဝင်မှု’’ သင်တန်းလိုမျိုး သင်တန်းတွေဟာ မြန်မာနိုင်ငံရဲ့လက်ရှိဆောက်ရွက်နေဆဲ ဒီမိုကရေစီအကူးအပြောင်းအတွက် ဘာ့ကြောင့်အရေးကြီးတယ်လို့ထင်ပါသလဲ။

ဆောင်ရွက်နေဆဲဒီမိုကရေစီအကူးအပြောင်းမှာ လူထုရဲ့ပါဝင်မှုက အလွန်ပဲအရေးကြီးပါတယ်။ အဲဒီလိုပဲ ဒီအကူးအပြောင်းမှာ ဘယ်လိုမတူညီတဲ့အခန်းကတွေကနေပါဝင်နိုင်လဲဆိုတာကို လူတွေပိုသိလာဖို့လိုတယ်။ ဒီတော့ အခုလိုသင်တန်းတွေပြုလုပ်ခြင်းရဲ့အရေးကြီးမှုက သိသာထင်ရှားပါတယ်။

၃။ သင်တန်းတွေက တက်ရောက်သူတွေရဲ့ကိုယ်ပိုင်အတွေးအမြင်တွေအပေါ် ဘယ်လိုသက်ရောက်မှုရှိပါသလဲ။

သင်တန်းမတိုင်ခင်တုန်းက တက်ရောက်သူတွေကို ဒီမိုကရေစီဆိုတာဘာလဲလို့မေးတဲ့အခါ နိုင်ငံရဲ့အစိုးရနဲ့ပဲသက်ဆိုင်တဲ့ စနစ်တစ်ခုလို့သူတို့ထင်ကြတယ်။

သင်တန်းတွေတက်ပြီးသွားတဲ့အခါကျတော့ ဖက်ဒရယ်စနစ်တို့၊ ဒီမိုကရေစီစနစ်တို့ စတဲ့သဘောတရားတွေကို ပိုပြီးနားလည်လာကြတယ်။ လူထုပါဝင်မှုရဲ့အရေးကြီးပုံနဲ့ နေ့စဉ်ဘဝမှာ ဒီမိုကရေစီရဲ့ဆက်စပ်ပုံတွေကိုနားလည်လာပြီး ဆောင်ရွက်ဆဲဒီမိုကရေစီအကူးအပြောင်းကိုဆက်လက်အကောင်အထည်ဖော်တဲ့နေရာမှာ လူထုပါဝင်မှုရဲ့အရေးကြီးပုံကို သဘောပေါက်လာကြတယ်။

၎။ သင်တန်းဆရာတစ်ယောက်အနေနဲ့ ဝေးလံခေါင်သီတဲ့ဒေသတွေမှာကြုံတွေ့ခဲ့ရတဲ့ အဓိကစိန်ခေါ်မှုတွေကိုလည်း ဝေမျှပေးပါဦး။

ခြုံငုံပြောရရင်တော့ ဒီဒေသတွေကိုသွားဖို့အချိန်ပိုပေးရတယ်။ အခြားနေစရာနဲ့ ထောက်ပံ့ပို့ဆောင်ရေးဆိုင်ရာ စိန်ခေါ်မှုတွေရှိတယ်။ ဥပမာ အချို့နေရာတွေမှာဆိုရင် အုပ်ချုပ်ရေးဆိုင်ရာပြသနာတွေကြောင့် သင်တန်းကိုပေါ်ပေါ်ထင်ထင်လုပ်လို့မရဘူး။ အချို့ဒေသတွေမှာ သင်တန်းတက်ရောက်သူတွေက အခြားနိုင်ငံတကာအဖွဲ့အစည်းတွေကပြုလုပ်တဲ့သင်တန်းတွေကိုတက်တုန်းကရခဲ့တဲ့ အနုတ်သဘောဆောင်တဲ့အတွေ့အကြုံတွေကြောင့် သင်တန်းတက်ရမှာကို တွန့်ဆုတ်နေခဲ့ကြတယ်။ သူတို့ကို မမျှမတဆက်ဆံတယ်၊ သင်တန်းက တစ်ဖက်သတ်ဖြစ်နေတယ်လို့ ခံစားနေကြရတာမျိုးတွေရှိခဲ့တယ်။

၅။ မဲဆန္ဒရှင်နဲ့ပြည်သူ့နီတိပညာပေးသင်တန်းတွေပို့ချစဉ်အတွင်း ရရှိခဲ့တဲ့အကြီးမားဆုံးအောင်မြင်မှုကိုပြောပြပေးပါ။ စိတ်ထဲမှာမှတ်မိနေတဲ့ အမှတ်တရလေးတွေများ ရှိပါသလား။

အကြီးဆုံးအောင်မြင်မှုကတော့ နိုင်ငံရေးလုပ်ငန်းစဉ်အတွက်မရှိမဖြစ်လိုအပ်တဲ့ ပြည်နယ်နဲ့တိုင်းဒေသကြီးအဆင့်ဆွေးနွေးပွဲတွေမှာ ကျွန်တော့်ရဲ့သင်တန်းတက်ရောက်သူဟောင်းတွေကို တွေ့မြင်ရတဲ့အခါမျိုးပါပဲ။ သူတို့တွေက အရပ်ဖက်လူမှုအဖွဲ့အစည်းဖိုရမ်တွေမှာတင်မကပဲ လူထုအတွင်းမှာပါ လူထုအရေးကိစ္စတွေကိုထောက်ပြဆွေးနွေးကြတယ်၊ ကိုယ့်ရပိုင်ခွင့်တွေအတွက် ရပ်တည်ကြတယ်။ ရွေးကောက်ပွဲနဲ့တိုက်ရိုက်သက်ဆိုင်တဲ့အောင်မြင်မှုဆိုရင်တော့ မဲဆန္ဒရှင်တွေက ပါတီကိုဗဟိုပြုတာထက် ကိုယ်စားလှယ်လောင်းရဲ့ အရည်အချင်းပေါ်မူတည်ပြီး မဲပေးတာကိုမြင်ရတဲ့အခါပါပဲ။

သင်တန်းသားများက ဒီမိုကရေစီလုပ်ငန်းစဉ်အတွင်းလူထုပါဝင်မှုသင်တန်းတွင် ဆွေးနွေးနေကြစဉ်။

သင်တန်းသားများက ဒီမိုကရေစီလုပ်ငန်းစဉ်အတွင်းလူထုပါဝင်မှုသင်တန်းတွင် ဆွေးနွေးနေကြစဉ်။